Ինչո՞ւ են փակվում լրատվամիջոցները Ջավախքում

Ջավախում գործող «Ա-ինֆո» գործակալությունը փակվել է ֆինանսական միջոցներ և մասնագետ չունենալու պատճառով: Պատասխանելով «Հետքի» հարցին, թե ինչու չի գործում ջավաքյան միակ լրատվական գործակալությունը` տեղեկացրեց «Ա-ինֆո» գործակալության ղեկավար Արտակ Գաբրիելյանը: Գործակալության պատասխանատուի խոսքով, առաջիկայում փորձելու են կրկին վերաբացել «Ա-ինֆոն»:

Արտակ Գաբրիելյանը նաև նշեց, որ քաղաքական որոշակի ճնշումներ նույնպես եղել են աշխատակիցների վրա, սակայն փակման պատճառն, այնուհանդերձ, նյութականի սղությունն է եղել:

Նինոծմինդայում 2001թ.-ից գործող «Լեռնաշխարհ» միությունը նույնպես ստեղծվել էր թերթ հրատարակելու նպատակով: Սակայն լույս է տեսել «Լեռնաշխարհի» միայն 8 համար: «Լեռնաշխարհ» միության նախագահ Վալերի Արաբյանն ասում է, որ ֆինանսական սղության պատճառով այն ևս փակվել է: Անցյալ տարի փակվել էր նաև 2001թվականից լույս տեղնող «Ակունք» թերթը: Վալերի Արաբյանի տեղեկություններով, այն շուտով կվերահրատարակվի` «Նոր ակունք» անվամբ:

Ջավախքում այժմ հրատարակվում է երկու պարբերական` «Արշալույսը» և «Հարավային դարպասը»: «Արշալույս» թերթը լույս է տեսնում Նինոծմինդայում, համարվում է Նինոծմինդայի շրջանային թերթ, լույս է տեսնում Նինոծմինդայի շրջանային վարչության հատկացրած ֆինանսական միջոցներով, «Հարավային դարպասը» սփռվում է Սամցխե-Ջավախքի ողջ տարածաշրջանում:

Վալերի Արաբյանն ասում է, որ «Արշալույսը» խորհրդային շրջանի իներցիայով ավելի շատ գովերգում ու փառաբանում է իշխանությանը, նրանց խոսափողն է, իսկ «Հարավային դարպասում» կան համարձակ լրագրողներ, սակայն նրանք էլ «ռամկաների» մեջ են: «Որպես հայ` հայկականություն, ազգային երանգ չկա, ընդհանուր թերթ է»,- կարծում է Վ. Արաբյանը:

Քրիստինե Աղալարյան
hetq.am

Այցելե՛ք ՋԱՎԱԽՔ

javakhktour.ge
Տուրիստական գործակալություն

Ջավախքի Տուրիստական գործակալությունը` JavakhkTour-ը առաջարկում է Ձեզ այցելել Ջավախք ամենալավ պայմաններով: Տվյալ փաթեթը իր մեջ նեռարում է այցելություն Ջավախքի պատմամշակութային վայրեր, Վարձիա քարանձավային համալիր, Խերթվիսի բերդ, Թմբկա բերդ, Սաղամո լիճ, Փարվանա լիճ, Վահան Տերյանի տուն-թանգարան ծանոթացում Ախալքալաք քաղաքին:

Տեղավորում բարձրակարգ հյուրանոցում: Օրեկան 3 անգամյա սննդով: Համտեսեք Ջավախք բնության համեղ ձուկը, խաշլաման, խորովածը:

Մանրամասների համար կարող եք այցելել մեր Վեբ-կայք www.javakhktour.ge հասցեով, ինչպես նաև գրել մեր էլ-փոստին: Կայքում կարող եք ծանոթանալ նաև մեր կողմից առաջարկվող մյուս փաթեթներին:

Տուրի արժեքը կազմվում է համաձայն մասնակիցների թվի ու պահանջվող ծառայությունների։

e-mail: javakhqtour@gmail.com

Հեռ. +995 362 223 973

Արխիվ