Ջավախքից սննդով բեռնված ևս երկու բեռնատար է անցել ՀՀ

by on 2020/10/01  •  In Ա-Ինֆոյի

Եվս երկու մեծ բեռնատար մեքենաներ, բեռնված սննդով և առաջին անհրաժեշտության պարագաներով, Ջավախքից անցել են Հայաստանի Հանրապետություն: Առաջին բեռնատարը ՀՀ-Վրաստան սահմանը հատել է երեկ՝ սեպտեմբերի 30-ի երեկոյան, երկրորդը՝ հոկտեմբերի 1-ի առավոտյան:

Ջավախքից Yerkir.am-ին տեղեկացրել են, որ hավաքված մեծաքանակ կարտոֆիլը նաև մայրաքաղաք Թբիլիսի է տարվել՝ վաճառելու և գումարով Արցախին օժանդակելու նպատակով: Այս ամենին զուգահեռ՝ նաև դրամական զգալի օժանդակություն է փոխանցվել ներկայացված հաշվեհամարներին: Որքա՞ն է կազմում մինչ այժմ փոխանցված դրամական օժանդակության ընդհանուր թիվը՝ մեր աղբյուրը դժվարացավ ասել, քանի որ այդ աշխատանքները չեն կենտրոնացվել մեկ վայրից, և Ջավախքի տարբեր շրջաններից նախաձեռնող խմբերն ու անհատներն ակտիվորեն ձեռնամուխ են եղել գումարի հավաքման ու փոխանցման գործին:

«Ջավախքից ամենատարբեր միջոցներով և մեխանիզմներով Արցախին օժանդակելու գործընթացը շարունակվում է լայն թափով»,- ասացին մեզ Ջավախքից:

Հիշեցնենք՝ ջավախահայությունը պատերազմի լուրը ստանալուն պես հանդես է եկել մի շարք նախաձեռնություններով: Երիտասարդներն ամենուր ցուցակագրվել են՝ կամավոր մեկնելու համար ռազմաճակատ: Սկսվել են նաև հումանիտար օժանդակության ուղղությամբ լայնածավալ միջոցառումներ: Պատերազմն սկսվելուն պես՝ սննդով և այլ անհրաժեշտ իրերով բեռնված առաջին բեռնատարները սահմանին տեղի ունեցած բողոքի ալիքի և Վրաստանի իշխանությունների հետ բանակցությունների արդյունքում, որոշակի դժվարություններով հատելով սահմանը, արդեն մտել են ՀՀ: Այդուհանդերձ, անվադողերով բեռնված մեքենաներն այդպես էլ չեն կարողացել դուրս գալ երկրից:

Արցախին մարդասիրական օգնություն ցուցաբերելու միջոցառումները Ջավախքի բոլոր հայաբնակ շրջաններում շարունակվում են: Այդ գործին են լծվել նաև ռուսաստանաբնակ կամ ՌԴ արտագնա աշխատանքի մեկնած ջավախահայերը:

Ստորև ներկայացնում ենք Ախալքալաքի ATV12 հեռուստաընկերության մեր գործընկերների պատրաստած տեսանյութը.

Այցելե՛ք ՋԱՎԱԽՔ

javakhktour.ge
Տուրիստական գործակալություն

Ջավախքի Տուրիստական գործակալությունը` JavakhkTour-ը առաջարկում է Ձեզ այցելել Ջավախք ամենալավ պայմաններով: Տվյալ փաթեթը իր մեջ նեռարում է այցելություն Ջավախքի պատմամշակութային վայրեր, Վարձիա քարանձավային համալիր, Խերթվիսի բերդ, Թմբկա բերդ, Սաղամո լիճ, Փարվանա լիճ, Վահան Տերյանի տուն-թանգարան ծանոթացում Ախալքալաք քաղաքին:

Տեղավորում բարձրակարգ հյուրանոցում: Օրեկան 3 անգամյա սննդով: Համտեսեք Ջավախք բնության համեղ ձուկը, խաշլաման, խորովածը:

Մանրամասների համար կարող եք այցելել մեր Վեբ-կայք www.javakhktour.ge հասցեով, ինչպես նաև գրել մեր էլ-փոստին: Կայքում կարող եք ծանոթանալ նաև մեր կողմից առաջարկվող մյուս փաթեթներին:

Տուրի արժեքը կազմվում է համաձայն մասնակիցների թվի ու պահանջվող ծառայությունների։

e-mail: javakhqtour@gmail.com

Հեռ. +995 362 223 973

Արխիվ