Գումբուրդոյում խաչքար տեղադրելու հարցով որոշումը գրավոր կներկայացվի գյուղի բնակչությանը, և հետո կսկսվի գործընթացը. Վիրահայոց թեմի առաջնորդ

Սեպտեմբերի 30-ին Վրաստանի Ախալքալաքի շրջանի Գումբուդո գյուղում եկեղեցու շուրջ գրանցված միջադեպի, հայաբնակ գյուղում տեղակայված եկեղեցում խաչքար-տապանաքար դնելու մասին որոշման, աշխատանքային խմբի, ընթացքի և այլ հարցերի շուրջ Tert.am-ը զրուցեց Հայ առաքելական եկեղեցու Վիրահայոց թեմի առաջնորդ Վազգեն եպիսկոպոս Միրզախանյանի հետ:

– Սրբազա՛ն Հայր, Գումբուրդոյի միջադեպից հետո տեղի մամուլը գրեց, որ ձևավորվել է աշխատանքային խումբ, որը քննարկել և եկել է համաձայնության, որ եկեղեցու վերանորոգման աշխատանքները վերջացնելուց հետո՝ 3 տարի անց, ոսկորները կթաղվեն եկեղեցու բակում և կտեղադրվի խաչքար-տապանաքար: Դուք նախկինում հայտարարել էիք, որ ոչ մի որոշում առանց գյուղի բնակչության համաձայնության չի կայացվելու: Սա հստա՞կ որոշում է, և արդյո՞ք համաձայն է բնակչությունը դրա հետ:

– Այս պահին գործընթացը շարունակվում է, և երբ օրեր առաջ Գումբուրդոյում էինք և ժողովրդի հետ հանդիպում եղավ, ակտիվ գործիչները ներկա էին և բոլորն իրենց համաձայնությունը տվեցին: Աշխատանքային խմբի անունից այդ որոշման բանավոր տարբերակը փոխանցել եմ ժողովրդին, դա աշխատանքային խումբը պետք է գրավոր ձևակերպի, կնքվի եռակողմ՝ պատրիարքարանի, պետական ապարատի և Վիրահայոց թեմի կողմից, որից հետո աշխատանքային խումբը կայցելի գյուղ, գրավոր որոշումը կներկայացնի, կքննարկեն, դրանից հետո ծրագիրը կյանքի կկոչվի:

-Իսկ ի՞նչ է նախատեսվում ծրագրով, քանի որ աճյունները եկեղեցու բակում թողնելու կամ վերահուղարկավորելու խնդիր կա:

-Հարցեր կան, օրինակ թե աճյունները որտեղ կամփոփվեն ժամանակավոր և այլն: Ուղղակի այս պահի դրությամբ աշխատանքային խմբի մեծամասնությունը Վրաստանում չէ, սպասում ենք, որ վերադառնան և գործընթացը հասցնեն ավարտին՝ բնակիչների հետ համաձայնության գալով:

http://www.tert.am/am/news/2017/10/18/mirzakhanyan/2515133

Այցելե՛ք ՋԱՎԱԽՔ

javakhktour.ge
Տուրիստական գործակալություն

Ջավախքի Տուրիստական գործակալությունը` JavakhkTour-ը առաջարկում է Ձեզ այցելել Ջավախք ամենալավ պայմաններով: Տվյալ փաթեթը իր մեջ նեռարում է այցելություն Ջավախքի պատմամշակութային վայրեր, Վարձիա քարանձավային համալիր, Խերթվիսի բերդ, Թմբկա բերդ, Սաղամո լիճ, Փարվանա լիճ, Վահան Տերյանի տուն-թանգարան ծանոթացում Ախալքալաք քաղաքին:

Տեղավորում բարձրակարգ հյուրանոցում: Օրեկան 3 անգամյա սննդով: Համտեսեք Ջավախք բնության համեղ ձուկը, խաշլաման, խորովածը:

Մանրամասների համար կարող եք այցելել մեր Վեբ-կայք www.javakhktour.ge հասցեով, ինչպես նաև գրել մեր էլ-փոստին: Կայքում կարող եք ծանոթանալ նաև մեր կողմից առաջարկվող մյուս փաթեթներին:

Տուրի արժեքը կազմվում է համաձայն մասնակիցների թվի ու պահանջվող ծառայությունների։

e-mail: javakhqtour@gmail.com

Հեռ. +995 362 223 973

Արխիվ