«Նոր իշխանությունները ջավախցիների հարցում շատ խոստումնալից են»

Սամցխե-Ջավախքի հայկական հասարակական կազմակերպությունների խորհրդի համակարգող, «Ա-ինֆո» գործակալության տնօրեն Արտակ Գաբրիելյանը Ջավախքից mardik.am-ի խնդրանքով անդրադարձել է Վրաստանի ընտրություններին:

«Կարծում եմ` Վրաստանում տեղի ունեցած իշխանափոխությունը դրական ազդեցություն կունենա ընդհանրապես թե՛ երկրի զարգացման, և թե՛ ազգային փոքրամասնությունների` մասնավորապես ջավախահայության վրա: Ելնելով արդեն իշխանության առաջնորդի նախընտրական ելույթներից , հատակապես Ախալքալաքում արտահայտած այն մտքերից , որ վրացերենը պետք է սովորել առանց վնասելու մայրենին` հայոց լեզուն , և առավելևս, որ իր կողմից հավանության է արժանացել հայ-վրացական համատեղ պետական համալսարանի ստեղծումը Ջավախքում, նաև շատ ու շատ սոցիալական, գյուղատնտեսական , աշխատատեղերի բացման վերաբերյալ արտահայտությունները, ջավախցիների համար դրական առումով շատ խոստումնալից են»,- ասաց նա:

Ինչ վերաբերում է հաղթանակած կուսակցության ավելի ազգայնական լինելու վերաբերյալ խոսակցություններին, Արտակ Գաբրիելյանը նշեց. «Դրանք ընդամենը խոսակցություններ են, բայց չի բացառվում, որ լինեն ավելի ազգայնական, սակայն չեմ էլ կարծում, որ ազգայնականությունն իրենից վտանգ է ներկայացնում: Համենայնդեպս իշխանության ներկայացրած նոր կառավարության անդամների թեկնածուների հայտարարությունները, որ Վրաստանի արտաքին քաղաքականության մեջ էական բան չի փոխվելու և իրենք ձգտելու են նորից դեպի եվրոպական արժեքներ, կարծում եմ՝ այդ առումով ազգային փոքրամասնությունների հանդեպ խտրականություն այլևս չի լինի: Նախընտրական շրջանում ապացուցվեց, որ Ջավախքում կան ճնշումներ և այդ իսկ պատճառով է, որ իշխանությունն այստեղ հաղթանակել է, և չեմ կարծում, որ քաղաքական գործիչն այդ ամենը չի հասկանում և այդ առումով «վրեժխնդիր» է լինելու հայերից»,-ասաց նա:

Այցելե՛ք ՋԱՎԱԽՔ

javakhktour.ge
Տուրիստական գործակալություն

Ջավախքի Տուրիստական գործակալությունը` JavakhkTour-ը առաջարկում է Ձեզ այցելել Ջավախք ամենալավ պայմաններով: Տվյալ փաթեթը իր մեջ նեռարում է այցելություն Ջավախքի պատմամշակութային վայրեր, Վարձիա քարանձավային համալիր, Խերթվիսի բերդ, Թմբկա բերդ, Սաղամո լիճ, Փարվանա լիճ, Վահան Տերյանի տուն-թանգարան ծանոթացում Ախալքալաք քաղաքին:

Տեղավորում բարձրակարգ հյուրանոցում: Օրեկան 3 անգամյա սննդով: Համտեսեք Ջավախք բնության համեղ ձուկը, խաշլաման, խորովածը:

Մանրամասների համար կարող եք այցելել մեր Վեբ-կայք www.javakhktour.ge հասցեով, ինչպես նաև գրել մեր էլ-փոստին: Կայքում կարող եք ծանոթանալ նաև մեր կողմից առաջարկվող մյուս փաթեթներին:

Տուրի արժեքը կազմվում է համաձայն մասնակիցների թվի ու պահանջվող ծառայությունների։

e-mail: javakhqtour@gmail.com

Հեռ. +995 362 223 973

Արխիվ