Ախալքալաքի Սուրբ Խաչ մայր եկեղեցում կատարվել է դպրական տվչություն

by on 2017/12/24  •  In Ա-Ինֆոյի, Լրատվություն

Սուրբ Ստեփանոս նախավկայի տոնին ընդառաջ՝ դեկտեմբերի 23-ին Սամցխե-Ջավախքի և Ծալկայի ընդհանուր առաջնորդական փոխանորդության Ախալքալաքի Սուրբ Խաչ մայր եկեղեցում, ձեռամբ Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանի, կատարվել է դպրական տվչություն: Այս մասին «Արմենպրես»-ին տեղեկացրին Հայ առաքելական ելեղեցու Վիրահայոց թեմից՝ հավելելով. «Փոխանորդությունում ծառայող քահանաները նախօրոք Վիրահայոց թեմի առաջնորդին էին ներկայացրել թեկնածուներին. Ախալքալաքի և հարակից գյուղերի հոգևոր հովիվ Տեր Տաթև քահանա Մարությանը ներկայացրել էր հինգ երիտասարդների, Ախալքալաքի շրջանի Արակովա գյուղի և հարակից համայնքների հոգևոր հովիվ Տեր Թադեոս Տեր Մկրտչյանը՝ մեկ պատանի, Ասպինձայի շրջանի Դամալայի Սուրբ Խաչ եկեղեցու հոգևոր հովիվ Տեր Եղիա ավագ քահանա Թազայանը՝ երեք պատանիների,Ախալցխայի շրջանի Ծուղրութի և հարակից գյուղերի հոգևոր հովիվ Տեր Թորգոմ քահանա Վարդանյանը՝ մեկ երիտասարդի:

Երեկոյան ժամերգությունից հետ Վիրահայոց թեմի առաջնորդը քահանա հայրերի հետ միասին կատարեց դպրական տվչության կարգը: Թեկնածուներին՝ ըստ Եկեղեցական կանոնների, տրվեցին առաջին չորս աստիճանները. դռնապանություն, ընթերցողություն, երդմնեցուցչություն և ջահընկալություն, որոնք մեկ բառով կոչվում է դպրություն։

Թեմակալ առաջնորդը նախ խաչաձև կտրեց ընծյալների մազերը, ապա նրանց տվեց ավել, որպեսզի մաքրեն եկեղեցին, բանալի՝ որպեսզի բացեն եկեղեցու դուռը, մոմակալ, որպեսզի վառեն եկեղեցու ջահերը, Նոր Կտարակարան, որպեսզի քարոզեն Առաքելական խոսքը, Սաղմոսարան, որպեսզի կարդան բժշկության աղոթքներ, Մաշտոց, որպեսզի նախապատրաստեն մկրտվողներին, ապա տվեց բաժակ, որպեսզի կարողանան Սուրբ Պատարագի ժամանակ մատուցել գինի Պատարագիչ քահանային և պատրաստեն նշխարք Պատարագի խորհրդի համար: Դպիրներին իրավունք տրվեց եկեղեցական արարողությունների ժամանակ հագնել շապիկ, երգել շարականներ և սաղմոսներ, հետևել եկեղեցու կարգ ու կանոնին։

Քահանաները արարողության ընթացքում ընթերցեցին սաղմոսներ, երգեցին շարականներ, իսկ առաջնորդի կողմից ընթերցվեցին համապատասխան աղոթքները:

Արարողության ավարտին Սրբազան Հայրը շնորհավորեց հոգևոր հովիվներին՝ նրանց բարի վաստակի համար, իր օրհնությունը փոխանցեց նախկին փոխառաջնորդ Հոգեշնորհ Տեր Բաբգէն վարդապետ Սալբիյանին՝ իր ծառայության տարիներին ընծյալների պատրաստության համար: Վազգեն Սրբազանը նաև իր օրհնությունը փոխանցեց ծնողներին՝ իրենց զավակներին ուղղորդելու և Աստծո խոսքով ապրեցնելու համար: Իսկ նորընծա դպիրներին Թեմակալ առաջնորդը պատգամեց շարունակել իրենց հոգևոր ծառայությունը Եկեղեցուն, ժողովրդին՝ նոր ոգով, նոր շնչով, աշխույժ գործունեությամբ և արդարացնել հոգևոր հովիվների, ծնողների և ժողովրդի սպասելիքները:

Սբազան հայրը բարձր գնահատեց նաև բարեշնորհ Գևորգ սարկավագ Անտոնյանի ծառայությունը դպրական տվչության արարողությունը պատշաճ կազմակերպելու համար:

Դպրականության տվչության արժանացան Ախալքալաքի Սուրբ խաչ եկեղեցուց՝ Նաիր Մելիքյանը, Արսեն Սեխլյանը, Կարեն Ալվերտյանը, Նահապետ Ակոջյանը, Հովհաննես Սահարյանը, Արագովայի Սուրբ Գևորգ եկեղեցուց՝ Գրիգոր Տեր-Մկրտչյանը, Ախալցխայի Սուրբ Գրիգոր լուսավորիչ եկեղեցուց՝ Ավետիս Պետրոսյանը , Ասպինձայի շրջանի Դամալայի Սուրբ խաչ եկեղեցուց՝ Հայկ Մակարյանը, Վանիկ Խաչատուրյանը, Լյովիկ Գալստյանը:

Արարողության ավարտին Սամցխե-Ջավախքի և Ծալկայի ընդհանուր առաջնորդական փոխանորդության սրահում տեղի ունեցավ հյուրասիրություն»։

https://armenpress.am/arm/news/917324/akhalqalaqi-surb-khach-mayr-ekexecum-katarvel-e-dprakan.html

Այցելե՛ք ՋԱՎԱԽՔ

javakhktour.ge
Տուրիստական գործակալություն

Ջավախքի Տուրիստական գործակալությունը` JavakhkTour-ը առաջարկում է Ձեզ այցելել Ջավախք ամենալավ պայմաններով: Տվյալ փաթեթը իր մեջ նեռարում է այցելություն Ջավախքի պատմամշակութային վայրեր, Վարձիա քարանձավային համալիր, Խերթվիսի բերդ, Թմբկա բերդ, Սաղամո լիճ, Փարվանա լիճ, Վահան Տերյանի տուն-թանգարան ծանոթացում Ախալքալաք քաղաքին:

Տեղավորում բարձրակարգ հյուրանոցում: Օրեկան 3 անգամյա սննդով: Համտեսեք Ջավախք բնության համեղ ձուկը, խաշլաման, խորովածը:

Մանրամասների համար կարող եք այցելել մեր Վեբ-կայք www.javakhktour.ge հասցեով, ինչպես նաև գրել մեր էլ-փոստին: Կայքում կարող եք ծանոթանալ նաև մեր կողմից առաջարկվող մյուս փաթեթներին:

Տուրի արժեքը կազմվում է համաձայն մասնակիցների թվի ու պահանջվող ծառայությունների։

e-mail: javakhqtour@gmail.com

Հեռ. +995 362 223 973

Արխիվ