Ընդդիմության պատգամավորներն առաջարկում են ճանաչել Հայոց ցեղասպանությունը

Ախալքալաքի Շրջանային ժողովի պատգամավորները «Վրաստանի հայրենասերների դաշինք» կուսակցությունից հանդես են եկել հայտարարությամբ, ամբողջ Ժողովի համար քննարկել` Հայոց ցեղասպանության ճանաչումը և դատապարտումը, ինչպես նաև Վրաստանի կողմից ճանաչմանը նպաստելը:

Դեկտեմբերի 1-ին Շրջանային ժողովի պատգամավորներ Զաքար Զաքարյանը, Սամվել Պետրոսյանը, Գենադի Էլիզաբարյանը, Սիմոն Մանանյանը և Սարգիս Ուզունյանը «Որոշում №» վերնագրով հայտարարություն են տարածել:

Ներկայացնում ենք հայտարարության տեքստն անփոփոխ կերպով.

«Ախալքալաքի շրջանի Սակրեբուլոն նշում է, որ 2015 թ.-ի սեպտեմբերին Հայաստանի նախաձեռնությամբ ՄԱԿ-ի Գլխավոր ասամբլեան որոշեց դեկտեմբերի 9-ը հայտարարել որպես Ցեղասպանության հանցագործության զոհերի հիշատակի միջազգային օր, հարգելով նրանց արժանապատվությունը հիշատակը և կանխարգելելով այդ հանցագործությունը:

Այս օրվա ընտրությունը պայմանավորված է նրանով, որ այդ օրը 1948 թ.-ին ընդունվեց Ցեղասպանության հանցագործության կանխարգելման և պատժի մասին Կոնվենցիան և դրա դերը ցեղասպանությունների դեմ պայքարում և կանխման գործում, ինչպես սահմանված է Կոնվենցիայում, և հասկանալու համար մարդկանց, ովքեր դարձել են դրա զոհը, և հարգել նրանց հիշատակը:

Նշենք նաև, որ 20-րդ դարի սարսափելի հանցագործություններից մեկն է Հայ ժողովրդի Ցեղասպանությունը Օսմանյան կայսրությունում: Եվ եթե ժամանակին համաշխարհային հանրության կողմից ճանաչվեր և դատապարտվեր այս ոճրագործությունը, նման հանցագործություններ չէին կազմակերպվի այլ ժողովուրդների առնչությամբ:

Նշված կոնվենցիայի իրազեկության բարձրացման և պատմական արդարության վերականգնման համար Ախալքալաքի շրջանի Սակրեբուլոն որոշում է կայացնում:

1. Մեկ րոպե լռությամբ հարգանքի տուրք մատուցել բոլոր ժողովուրդների ցեղասպանության զոհերի հիշատակին, որոնց դեմ կատարվեց այդ վայրագությունը:
2. Ճանաչել և դատապարտել Հայոց ցեղասպանությունը տեղի ունեցած Օսմանյան կայսրության օրոք:
3. Վրաստանի խորհրդարանին խնդրել հետևել շատ զարգացած երկրների օրինակին, ճանաչել և դատապարտել Օսմանյան կայսրության օրոք կատարված Հայոց ցեղասպանությունը
4. Խնդրել Խորհրդարանի լիագումար նիստի ժամանակ Ջավախքի շրջանից մեծամասնական պատգամավորին (խորհրդարանի անդամին) քննարկել այդ հանցագործությունը հայ ժողովրդի դեմ և լուսաբանել իրական որոշումը:
5. Սույն որոշումը հրապարակել լրատվամիջոցներում»:

Դիմումին կցվում է նաև Կոնվենցիայի տեքստը:

Դիմումը ներկայացված է Սակրեբուլոյում, ինչպիսին կլինի արձագանքը այնտեղ, և ինչ որոշում է կայացնելու Շրջանային ժողովը կիմանանք առաջիկայում:

Ընդդիմության պատգամավորներն առաջարկում են ճանաչել Հայոց ցեղասպանությունը

Այցելե՛ք ՋԱՎԱԽՔ

javakhktour.ge
Տուրիստական գործակալություն

Ջավախքի Տուրիստական գործակալությունը` JavakhkTour-ը առաջարկում է Ձեզ այցելել Ջավախք ամենալավ պայմաններով: Տվյալ փաթեթը իր մեջ նեռարում է այցելություն Ջավախքի պատմամշակութային վայրեր, Վարձիա քարանձավային համալիր, Խերթվիսի բերդ, Թմբկա բերդ, Սաղամո լիճ, Փարվանա լիճ, Վահան Տերյանի տուն-թանգարան ծանոթացում Ախալքալաք քաղաքին:

Տեղավորում բարձրակարգ հյուրանոցում: Օրեկան 3 անգամյա սննդով: Համտեսեք Ջավախք բնության համեղ ձուկը, խաշլաման, խորովածը:

Մանրամասների համար կարող եք այցելել մեր Վեբ-կայք www.javakhktour.ge հասցեով, ինչպես նաև գրել մեր էլ-փոստին: Կայքում կարող եք ծանոթանալ նաև մեր կողմից առաջարկվող մյուս փաթեթներին:

Տուրի արժեքը կազմվում է համաձայն մասնակիցների թվի ու պահանջվող ծառայությունների։

e-mail: javakhqtour@gmail.com

Հեռ. +995 362 223 973

Արխիվ